وشلونـ ابنساكـ يالليـ.....!!؟

قصيدة بعنوان

....................!!!!!!!!


وشلون أبنساك ياللى للمشاعر تصون
القلب وشلون ينسا صاحبٍ ما نساه..

ذكراك لاغبت تبقا وافيه ما تخون
أغيب معها وأقول شلون طول جفاه..

يا جارح القلب يا مبري جميع الطعون
فى غيبتك جرح وبقربك تكون النجاه..

الموت فى سلهمت عشك وسود العيون
اللى تحد المولع حد إلى منتهاه..

فى طلتك تستبيح النور معنى ولون
منك القمر يسطع بنوره بعالى سماه..

وفى ضحكتك حالى السكر وغيم المزون
وفى هرجتك للكلام يصير طعم وطراه..

أبك أنت صوتك يوصلنى معه للجنون
أغيب فى بحته وأذوق طعم الحياه..

تمون فى ذمتى بإنك عليه تمون
ملكّتك القلب وأعطيتك عليه الوصاه..

يرخص لك الشعر لا والله كل الفنون
ترخص لعينك وقدرك دوم يرقا غلاه..

تنهيدة الشوق والهاجس وبدع اللحون
والوجد منك أنت يأخذ للمعانى ضياه..

إقلط بصدرى وأخذ ما تشتهى ما تهون
مادمت الاحساس فى صدرى وقمة هواه..

من كثر حّنيتك ما أحس غيرك حنون
دايم شعورك يغرقنى بداخل مداه..

علمتنى كيف احب العطر والزيزفون
وعلمتنى كيف أعرف الحب فى محتواه..

إن غبت شوقك يسامرنى غرام وسكون
وأظم طيفك على قلبٍ تزايد بلاه..

بدون ما أقول احبك وأنت تدرى بدون
إنظر لحالى وتدرى كيف حبك رماه..

لا تستمع هرجة اللى بالقفا يهرجون
أفات الاخبار دايم من كلام الرواه..

أنساك وشلون هاذى بس يمكن تكون
والله ما أنساك كود الناس تنسا الحياه...


وســـلامــتكم:ZEeZOo