لــيـش الدمــع يا قلــبــي...!!

ليش الدمع يا قلبي..؟ ترى دمعكْ عَلَـيْ غالـي
أنـا مالـي بهَالدنيـا سِـواكْ أحْـدٍ يواسينـي


دخيلكْ حتى لُو صاحَتْ جروحكْ ترفُـقْ بْحالـي
أخــافْ صْيـاحَهـا يحْـي جــروحٍ مَيِّتَـهْ فينـي


صِعبهْ و الله هالدنيــا علـى مثلـكْ و أمثالـي
صْغارٍ عَالحِزنْ لكـنْ أبَـتْ تسْتوعِـبْ سْنينـي


سِقَتْني المُرْ في عُمْرٍ شرَبْ بَهْ غيـري مو الحالـي
و كِلْ ما صِحْتْ يا دنيا ذبحْني المُرْ .. تسقيني !!


وحيد عِشتْ اْنادي الفَرْحْ لِجْروحي و لا جالـي
رَحَلتْ بْكِلْ صُوبْ و ما لقيـتْ إللـي يداوينـي


و تراها ما غَدَتْ تَفْرقْ مَعي لُو طـال تِرْحالـي
أنا أصلاً سِكَنْتْ الجَرْحْ و ضاعتْ بَهْ عَناوينـي


عَشقْتْ الحزنْ مُو برْضاي ْ.. عيَّا الوقتْ يصفالي
و يومْ إنهْ رجَفْ دَمعي ذِبَحْتَهْ في وَسَـطْ عينـي


لَكْ الله وشْ يفيد الدَّمعْ وْ لُو هُو سيـلْ مِتوالـي
لك الله .. أمسح دْموعَكْ ترى هالدمْـعْ يشقينـي


مِصير جْروحِنا تذبَلْ قِصَرْ هالعُمـرْ أو طالـي
و إذا جرحكْ أبَـى يبْـرى بَضَمِّـدْهْ بْشراينـي


وســـلامـــتــكم:ZEeZOo