أخيراً جيت ياشاطر رجعت مخاوي الونـات
خضعت ودمعك الثاير على الوجنـه ينــاديني
عرفت الحين مقداري دريت إني على النيات
ولاكن مامضا ماضي وأنا الحاضر عناوينـي
نسيت يومك تبكيني نسيت كلمة عديم الذات
نسيت يومي أغصّ باسمك وعلى الغصّه تهنيني
خساره طحت من عيني غدت ميزتك لي سيات
شطبتك من كشوف الحب ودمعي لك يواسيـني
صحيح القلب من هجرك كساه الهم واللوعـات
ولكن عزتي ترفضك مهما تصافحك عينـــي
نسيتك قالها قلب(ن) يعاني لحضة السكرات
وعلى نعش الهوى كلمة نسيتك من شراييـني
خلاص مرحومي شيعته بصمتي واندفن بسكات
وتـــقبلت التعازي وأنت ولافكرت تعزينــي
وجايني اليوم متأسف عقب ماتاهت الخطــوات
عقب ماذابت عروقي وليل الياس طاوينـــي
عقب كسرت خواطرنا تبي نرجع محال هيهات
أنا راضي أخاوي الموت ولامثلك يخاوينــي
الرئيسية 
الثلاثاء أكتوبر 14, 2008 10:09 pm
الله يسلمكم