1- امسكى التليفون واقعدى ادى رنه على كل الى تعرفيهم ولما تخلصيهم كلهم رنى على ارقام غريبة واللى يتصل بيكى قوليلة اووف انا مش رنيت على حد
==============
2- اطلعى عالسطوح وافرشى حاجه كبيرة وناميلك شوية فى الشمس لحد ما يجيلك ضربة شمس وتنزلى تتخمدى وتريحى الناس كلها
==================
3 - كل ما تزهقى روحى عند المرآيه وقصى حته من شعرك " بس حته صغننه " وان شاء الله على اخر اليوم هتبقى " أرعــه " ومحدش هيستنضف يبص عليكى
============
4 - اتصلى بكل اصحابك كل واحدة لوحدها كأنها بس هى الى خارجه معاكى واتفقى معاهم على مكان معين ومتروحيش انتى وخلى حد منهم اخر اليوم يحكيلك على يومهم كان عامل ازاى اهو عالاقل تلاقى حد يشغلك وقتك
====================
5- ادخلى على الاوضة بتاعتك واعملى واحد مكياج جامد على سنجه 10 كأنك رايحه فرح مهم اوى ولما تاخديلك 5 ولا 6 ساعات فى الموضوع دا اقنعى نفسك انك وحشة " مش هتتعبى فى الاقناع " وادخلى خدى شاور وابدأى من جديد
=============
6 - اتعلمى كلمه ولا اتنين ايطالى واقفى فى البلكونه الى رايح واللى جاى اتفشخرى عليه بالكلمتين دول وفهميه انك مثقفة بقى
=================
7 - اسرقى مفاتيح عربية بابا وانزلى اركبيها وهى فى الجراج واعملى نفسك بتسوقى عالطريق وبتمارسى احلى المغامرات بقى " بس متنسيش تسيبى الجراج مقفول عليكى " لاحسن تعيشى الدور
================
8 - اطلعى وانزلى سلالم البيت 50 مرة ولما تخلصى وظهرك يتقطم من الطلوع والنزول هتخسى شوية ودى مصلحه لكى وبعد التعب دا كلو اغصبى على نفسك ياخفة وامسحى السلم مكان ما وسختيه
==================
9 - هاتى مسجل " كاسيت " وامشى فى البيت كلو سجلى للكل باابا وماما واخواتك وكل الناس الى عايشة معاكى وكمان سجلى صوت الهوا برا البيت وكررى الموضوع دا لمدة اسبوع وبعدين اقعدى بقى اسمعى الشرايط كلها من تانى وطلعى اوجه التشابه والاختلاف
===================
10 - امسكى الريموت كنترول بتاعكم واحذفى كل قنوات الريسيفر واعملى فيها ناصحه وحاولى ترجعيها تانى
وابقى قابلينى لو رجعتى قناه دريم حتى
=============
كفاية كدا لحد ما نشوف الردود
al-ahl@m_2 عضو فعًال
المساهمات : 1361 تاريخ التسجيل : 29/06/2008 العمر : 32 الموقع : جده
موضوع: رد: لتتخلصي من الملل الإثنين أكتوبر 06, 2008 9:02 pm
الرئيسية 
الإثنين أكتوبر 06, 2008 1:15 am.gif)
