لا تنسى عمرك تراك كنت وكنت ~

السلام عليكم ورحمة الله وبركاته ....

شخباركم عضوات وأعضاء نانا

عساكم دوم بأطيب الأحوال ..
اليوم بناقش موضوع مهم بنضري

............................................................................................

* أبتدي أول مثال بطالب كان ما يهتم بدروسه أبدا وكان كل همه

النجاح لكن في هاي السنة قرر أنه يشد حيله عشان يحقق الاثنين

التميز والنجاح ..ويوم ربيعه شافه جي قال : الله على إلي

يذاكر .سمعت إنك بتطلع الأول ..أذكرك وش كنت ..

وهني الطالب يفقد همته في إنه يذاكر ...

* مسجون بقضية ..تاب ورجع لعقله يوم كان يقضي أيامه بالسجن

ويوم إنه طلع وده يفتح صفحة جديدة تفاجأ بنظرة الناس له وحتى

كلامهم إلي يطعن القلب ..مثلا يقولون : هذا تراه مسجون حاذر منه

لا تصادقه ولا تسلم عليه بيخربك ..

يعني بذمتكم شو بتكون ردة فعل هذا الريال ..

* مريض نفسي تعالج الحمدلله وشفي من حالته ..لكن يوم إنه طلع

يشوف الدنيا لاحظ إن الناس تتحاشاه وبعضهم يقول : تراه مريض

نفسي يعني مجنون ما يدري عن هوى داره ..

فبالتالي تزيد حالته سوء....

*مدمن مخدرات قرر إنه يتوب يرجع لربه يترك شلة السوء وليمن

رجع للدنيا ما لقى من الناس إلا العتب ..يعني بالله عليكم شو

بيسوي .. لاصدق يعني ..

والحالات يا جماعة كثيرة ..

يعني بدال ما نحن نرفع من معنوياتهم ندمرهم ..ليش ما ناخذ

بإيديهم ..نزرع فيهم الأمل بإنهم يقدرون يسوون شي في ذي الدنيا

مب بس خلاص الدنيا وقفت في ويوههم ...

طبعا أنا ما أعمم على كل الناس ..لا .. هي فئة من الناس إلي دوم

تهبط الهمم ..وتدمر شباب كان ودهم يرجعون لحياتهم الصحيحة ..

وأتريا آرائكم وانتقاداتكم

بصراحة ياالأحلام بالنسبة ليا أنا ما أئييد هذه الفكرة إنه الواحد يحطم الشخص لكن الواحد لازم يرفع من معنويات الشخص سواء كان مريض او سواء كان غلط أو أي شخص آخر وبصراحة الواحد لازم يكون إنسان عاقل ويرفع من معنويات الشخص

مشكور اخوي عزوز على نقاشك في الموضوع
وزي ماقلت مو حلو انه نحطم الشخص لانه بيصيرله احباط ويفقد العزم
afro